மெகா சீரியல் கொடுமைகள்

பெரும்பாலான தமிழ் வீடுகள்ல, இரவு நேரத்துல சரியா நமக்கு சாப்பாடு கிடைக்குதோ இல்லையோ, மெகா சீரியல் எனப்படும் நெடுந்தொடர் கண்டிப்பா ஓடிட்டு இருக்கும். அந்த நேரத்தில நம்ம ஏதாவது படமோ இல்ல கிரிக்கெட் மேட்ச்சோ பாக்கணும்னு நெனச்சு TV சேனல மாத்துனா, நைட் சாப்பாடு கிடைக்காம போற அபாயம் உண்டு. அப்படி கருமம் அதில என்னதான் போடறாங்கனு பாத்தா, ஒரு வாரத்துல குடும்பத்துல குழப்பம் வர்றது உறுதி. அப்படி என்ன தான் இருக்குனு நீங்களே பாருங்க.

• வேலைக்கு போகாமல் OTMP அடிக்க, தன் மச்சானின் காதல் திருமணத்தைக் கெடுப்பது எப்படி? (நாதஸ்வரம்)
• தன் தோழியின் கணவனுக்கு பிராக்கெட் போட்டு கரெக்ட் பண்ணுவது எப்படி? (உதிரிப்பூக்கள்)
• தன் கணவனின் குடும்ப சொத்துக்களை அமுக்க, குடுமபம் முழுவதையும் சீரழிப்பது எப்படி? (தெய்வ மகள்)
• ஒரு குடும்பம், தன் வீட்டு மருமகளை மிக, மிக கேவலமாக நடத்துவது எப்படி? (வம்சம்)
• பணக்கார பையனை, அவன் சொத்துக்களை அமுக்க, தன் மகளை விட்டு அவனை கரெக்ட் செய்வது எப்படி?

இந்த கொடுமைகள் எல்லாம் சன் டிவியில் வருபவை. மற்ற ஜெயா, விஜய், பாலிமர், ராஜ் டிவிகளில் வரும் கொடுமைகளை மட்டும் பார்த்தால், ஐயோ ராமா!

Django Unchained

வன்முறை அழகியல் (aestheticization of violence)  பற்றி கேள்விப் பட்டிருக்கிறீர்களா? குவெண்டின் டரன்ட்டினோ பற்றி அறிந்திருந்தால் உங்களுக்கு வன்முறை அழகியல் பற்றி தெரிந்திருக்கும். வன்முறையின் உச்ச கட்டமாக, ரத்தம் தெறிக்கும் காட்சிகளைக் கூட ஒரு கவி நயத்துடன், அழகாகக் காட்டுவதே வன்முறை அழகியல். சம கால இயக்குனர்களில் இதை சிறப்பாகக் கையாளத் தெரிந்தவர் குவெண்டின் டரன்ட்டினோ. அவரின் சமீபத்திய படமான ஜேங்கோ அன்செயின்டு (Django Unchained) படமும் வன்முறை அழகியலை மையப் படுத்திய படம்தான். அதைப் பற்றி விரிவாக பார்ப்போம்.

Django Unchained படத்தின் கதை? 19-ம் நூற்றாண்டில், கருப்பின அடிமைவாதம் (Black Slavery) உச்சத்திலிருந்த அமெரிக்காவில், டெக்சாஸ் மாகாணத்தின் பின்புலத்தில் நடக்கிறது கதை. Dr. சுல்ட்ஸ் (Christoph Waltz) ஒரு bounty hunter. ஒரு கொள்ளையனை அடையாளம் காண்பிப்பதற்கு, கருப்பு அடிமையான ஜேங்கோவை (Jamie Foxx) கூட்டு சேர்த்துக் கொள்கிறார். இருவரும் சேர்ந்து நிறைய bounty வேட்டை நடத்துகிறார்கள். நிறைய பணம் கிடைக்கிறது. ஜேங்கோ, தன மனைவி ப்ரூம்ஹில்டா (Kerry Washington) ஒரு வெள்ளை பிரபுவிடம் அடிமையாக இருப்பதாக சொல்கிறான். சரி வா, அவளை மீட்கலாம் என்று Dr. சுல்ட்ஸ் சொல்கிறார். இருவரும் கிளம்புகின்றனர். அடுத்து என்ன என்பதை வரும் weekend சத்யம் தியேட்டரிலோ அல்லது torrentz-ல் டவுன்லோட் செய்தோ பார்த்துக் கொள்ளுங்கள்.

சுஜாதாவின் ஒரு பிரபலமான வாசகம்: 'முதல் காட்சியில் இருந்தே கதையை சொல்லிவிடு'. நீண்ட நாட்களுக்குப் பிறகு, நீட்டி முழக்காமல் இரத்தினச் சுருக்கமாக, முதல் காட்சியிலேயே கதை ஆரம்பிப்பதை இந்த படத்தில்தான் பார்த்தேன். அதற்க்கு காரணம் இயக்குனர் டரன்ட்டினோ. அப்போது ஆரம்பித்து கிளைமாக்ஸ் வரை தன் நேர்த்தியான திரைக்கதையால் அதகளப் படுத்தி இருக்கிறார் டரன்ட்டினோ.

நக்கல் கலந்த வில்லன் கதாபாத்திரத்தை நாம் பல படங்களில் பார்த்திருப்போம். ஆனால் நக்கல்+எதற்கும் துணிந்த தைரியம்+கருணை- இவற்றின் கூட்டுக் கலவையாக ஒரு கதாபாத்திரத்தம் இருந்தால்? அவர்தான் Dr. சுல்ட்ஸ்-ஆக நடித்திருக்கும் கிறிஸ்டோப் வால்ட்ஸ் (Christoph Waltz). சிறந்த துணை நடிகருக்கான ஆஸ்கர் விருதை மீண்டும் அவர் வாங்கியதில் ஆச்சர்யமில்லை. ஜெமி பாக்ஸ்க்கு இதில் சற்று அளவான பாத்திரம் தான். என் ஆதர்ச நாயகன் டிகாப்ரியோ இதில் மெயின் வில்லன் (கெல்வின்). இவர் வில்லன் கேரக்டர்க்கு எப்படி ஒத்து வருவார் என்று நினைத்தேன். ஆனால், ப்ரூம்ஹில்டாவின் தலையில் சுத்தியலை வைத்துக் கொண்டு Dr. சுல்ட்ஸையும், ஜேங்கோவையும் மிரட்டும் போது, டிகாப்ரியோ காட்டும் உக்கிரம் இருக்கிறதே? அப்பாஆஆ!!! மிரண்டு போய் விட்டேன். வில்லனிடம் வழக்கமாக இருக்கும், புத்திசாலி+கொடூர அல்லக்கையாக ஸ்டீபன் என்ற வேடத்தில் சாமுவேல் ஜாக்சன் (Samuel Jackson). அனைவரின் நடிப்பும் அற்புதம்!!!

குறைகள்?  அவ்வப்போது யூகிக்கக் கூடிய காட்சிகள் மற்றும் ஜேங்கோவின் மிகையான ஹீரோயிசம்; இந்த இரு குறைகளை முக்கியமாகச் சொல்லலாம். ஆனால், டரன்ட்டினோவின் அக்மார்க் பன்ச் வசனங்கள், வன்முறை அழகியல், ஸ்டைலிஷான துப்பாக்கி சண்டைகள் மற்றும் பிரதான கதாபாத்திரங்களின் காஸ்டிங்- இவையெல்லாம் சேர்ந்து அந்த இரு குறைகளைத் தூக்கிச் சாப்பிட்டு விடுகின்றன. கண்டிப்பாக இந்த படத்தைப் பார்த்து மகிழுங்கள்.

Final Kick: ஜேங்கோ, ஸ்டீபனிடம் கிளைமாக்ஸில் சொல்லும் வசனம்: "நீ 7000, இல்ல 8000, இல்ல 9000, இல்ல 9999 நீக்ரோக்களை பாத்திருப்ப. ஆனால் நான் பத்தாயிரத்தில் ஒருத்தன்டா!".(இதெல்லாம் ஒரு பன்ச் வசனமா என்று நீங்கள் கேட்கலாம். ஆனால் அதை ஜேங்கோ ஸ்டைலாக சொல்லும்போது உங்களுக்கும் பிடிக்கும்). அதே போல்தான், திரைக்கதை அமைப்பதில் குவெண்டின் டரன்ட்டினோவும் பத்தாயிரத்தில் ஒருவன்.

தமிழகத்தின் டாப் 5 கிரிமினல் குற்றவாளிகள்: Part-1

நம் அன்றாட வாழ்வில் இந்த மாதிரியான பல நபர்களை நீங்கள் சந்தித்து இருக்கலாம், சந்திக்கலாம்.

5. 1500 ரூபாய் சீனா மொபைலை வைத்துக் கொண்டு, கூட்டம் நிறைந்த பேருந்தில் போகும்போது முழு சத்தத்தில் குத்து பாட்டு கேட்கும் A.R.ரகுமான்கள்.

4. உடம்பிற்கு எல்லா வகையிலும் கேடு விளைவிக்கும் 'Lays' போன்ற அடைத்து வைக்கப்பட்ட நொறுக்குத் தீனி சாப்பிட்டால் அவனை ஹை-கிளாஸ் போலவும், எந்த தீங்கும் செய்யாத வேர்க்கடலை பர்பி சாப்பிட்டால் அவனை லோ-கிளாஸ் போல பார்க்கும் அறிவாளிகள்.

3. சுதந்திர தினத்தன்று, சுதந்திரத்திற்காக, நாட்டிற்காக பாடுபட்ட த்ரிஷா, நமீதா, அசின்,  மற்றும் இன்ன பிற நடிகர்-நடிகைகளின் பேட்டியை ஒளிபரப்பும் தொலைக்காட்சி ஓனர்கள், அதைப் பார்க்கும் முட்டாள்கள்.

2. இருக்கின்ற 60 பக்கத்தில், 30 பக்கம் நடிகைகளின் அரைகுறை படங்களைப் போட்டு விட்டு, இறுதியில் "பெண்களை போகப்பொருளாக காட்டுவதே பாலியல் வன்முறையின் முதல் படி" என்று நல்லவன் வேஷம் போடும் பத்திரிக்கை 'விகடன்'கள்.

இறுதியாக

1. பொதுக் கழிப்பிட சுவர்களில் மினி செக்ஸ் கதைகள் மற்றும் ஆபாசக் கிறுக்கல்கள் புரியும் புரட்சி எழுத்தாளர்கள்.

2012-ல் நான் பார்த்த படங்கள் Best to Worst

2012-ல் நான் பார்த்த படங்கள் Best to Worst

2012-ன் சிறந்த படம்: பீட்சா- தமிழில் முதன் முதலாக ஒரு நல்ல ஹாரர்-த்ரில்லர் படம் மற்றும் 'The usual suspects' genre-ல் திரைக்கதை அமைத்ததற்காக.

நல்ல படங்கள் 
1. நடுவுல கொஞ்சம் பக்கத்த காணோம்- 2 1/2 மணி நேரம் இடை விடாது, முகம் சுளிக்காமல் சிரிக்க வைத்தத படம்.
2. தடையறத் தாக்க- நீண்ட நாள் கழித்து ஒரு நல்ல கிரைம்- த்ரில்லர் படம். தட-தடக்கும் திரைக்கதை பெரிய பலம்.
3. காதலில் சொதப்புவது எப்படி- சம கால யுவன்-யுவதிகளின் காதலை நல்ல திரைக்கதையுடன் சொன்ன படம்.
4. நான் ஈ- நல்ல கதை-திரைக்கதை இருந்தால் ஹீரோ-ஹீரோயிசம் தேவையில்லை என்று உணர்த்திய படம்.

OK ரக படங்கள் 
1.  நண்பன்- படம் எனக்கு பிடித்திருந்தாலும் த்ரீ இடியட்ஸ் படத்தை ஜெராக்ஸ் எடுத்ததால் OK  ரகத்தில் சேர்கிறது.
2. அம்புலி- இதுவும் ஒரு நல்ல ஹாரர்-த்ரில்லர் படம்தான். ஆனால் பின் பாதியில் குழப்பும் திரைக்கதை + கிளைமாக்ஸ்ஸில் மொக்கை கிராபிக்ஸால் படம் OK  தான்.
3. ஒரு கல் ஒரு கண்ணாடி- நல்ல காமெடி படம் தான். ஆனால் சிரிப்பை தவிற படத்தில் ஏதும் இலலை.
4. வழக்கு என் 18/9- மிகச் சிறந்த படம்தான். ஆனால் வலிந்து திணிக்கப்பட்ட சில சோக காட்சிகள், டாக்குமெண்ட்ரி போன்ற ஆரம்ப காட்சிகளால் OK ரகத்தில் சேர்கிறது.
5. நான்- 'Identity Theft' genre-ல் ஒரு நல்ல த்ரில்லர் படம் தான். ஆனால் மெதுவான திரைக்கதை மற்றும் அமெச்சூர் நடிப்பால் சுமார் தான்.
6. சாட்டை- இந்த படத்தின் மையக் கருத்து எனக்கு மிகவும் பிடித்திருந்தாலும், தம்பி ராமய்யாவின் மிகையான  நடிப்பு மற்றும் தமிழ் சினிமா கிளிசேக்களால் இந்த ரேட்டிங்.
7. துப்பாக்கி- நிறைய லாஜிக் மிஸ்டேக்ஸ்களை தவிர்த்திருந்தால், ஒரு படி மேலே போயிருக்கும்.
8. சுந்தரபாண்டியன்- தமிழ் சினிமாவின் குப்பை மசாலாக்கள் இல்லாமல் இருந்திருந்தால் நல்ல படம் என்று சொல்லி இருக்கலாம். ஆனாலும் கோர்வையான திரைக்கதையை இந்த படத்தில் பார்த்தேன்.
9. தோனி நாட் அவுட்- கல்வி மாற்றம் பற்றிய படம். ஆனால் அடுத்து என்ன நடக்கும் என்பதை மெகா-சீரியல் பார்க்கும் ஆன்ட்டிகள் கூட சொல்லும் அளவுக்கு இருந்த இரண்டாம் பாதி திரைக்கதைதான் படத்தின் வில்லன்.

மோசமான படங்கள் 
1. அரவான்-'காவல் கோட்டம்' என்ற நாவலை சினிமா எடுக்கிறேன் பேர்வழி என்று கந்தரகோலம் ஆக்கிய படம். உச்சமாக, கிளைமாக்ஸில் ஆதியை ஏசு போல சிலுவையைத் தூக்க விட்டதை பார்த்த போது இதுக்கு 'சுறா' படம் பெட்டெர் என்று நினைத்தேன்.
2. வேட்டை- இது 1960-70களில் வந்திருந்தால் மெகா ஹிட் ஆகியிருக்கும். இந்த ஆண்டின் மகா மொன்னையான திரைக்கதை எதுவென்றால் கூசாமல் வேட்டையை சொல்லலாம். முத்தி போன சமீரா ரெட்டி ஒரு பெரிய drawback!
3. கலகலப்பு- நல்ல காமெடி படம்  தான். ஆனால் 'Soul Kitchen' என்ற ஜெர்மன் படத்தை வெட்கம்-மானம் இல்லாமல் ஜெராக்ஸ் எடுத்து விட்டு, சொந்த கதை போல் சுந்தர்.C பீலா விட்டதால் மோசமான லிஸ்ட்டில் சேர்கிறது.
4. கும்கி- தமிழ் சினிமாவில் இதுவரை சொல்லப்படாத, அருமையான கதைக்களம். ஆனால் அதை வழக்கம் போல் தமிழ் சினிமாவின் குப்பை காதல்-திரைக்கதையால் கெடுத்த படம். மேலும் காட்டு யானைகளின் இருப்பிடத்தை மனிதர்கள் ஹோட்டல் கட்டி கெடுப்பதால், ஊருக்குள் தண்ணீர், உணவு தேடி வரும் யானைகளை கொல்லப்பட வேண்டிய கொடூர விலங்காக (தன் சுய நலத்திற்காக) காட்டியதால் இந்த ஆண்டின் மற்றுமொரு மோசமான படம்.

மட்டம்-அபத்தம்
1. முகமூடி- டேய், சூப்பர் ஹீரோ படம்னா என்னனு உங்களுக்கு தெரியுமாடா என்று கத்தலாம் போல இருந்தது, படம் முடியும்போது. பேன்ட்டுக்கு மேலே ஜட்டிய போட்டவனெல்லாம் சூப்பர் ஹீரோ இல்லை என்பதை மிஸ்கின்-ஜீவா புரிந்து கொள்ள வேண்டும். இந்த சூர மொக்கை படத்தை பொறுமையாக பார்த்தது கூட எனக்கு வருத்தமில்லை. ஆட்டோ சார்ஜ் 300, டிக்கெட் 300, snacks-200, ஹோட்டலில் சாப்டது 200 என 1000 ருபாய் தண்டம் அழுதது மற்றும் இந்த மொக்கை படத்தை பார்த்தது தாங்காமல் என் மனைவி என்னை செம திட்டு திட்டியது என இந்த இரண்டை மட்டும் என்னால் மறக்க முடியாது. 

பீட்சா

  நாம் எல்லோருமே குறைந்தது ஒரு பேய் கதை அல்லது பேய் சம்பந்தமான தகவல்களைக் கேட்டிருப்போம். இன்னும் சிலருக்கு நேரடியான அல்லது மறைமுக அனுபவம் ஏற்பட்டிருக்கலாம். சமீபத்தில் வெளியான 'பிட்சா' படமும் பேய் பற்றியதுதான். ஆனால் வெள்ளை புடவை கட்டிக்கொண்டு ஒரு சோக பாடல், கோர-முகம் கொண்ட பேய், பேய்க்கு ஒரு பிளாஷ்-பேக், கிளைமாக்ஸில் ஹீரோ-ஹீரோயின் மட்டும் தப்பிப்பது போன்று தமிழ் சினிமா கிரைண்டரில் பல முறை அரைக்கப்பட்ட சாதாரண பேய் படம் அல்ல இந்த பீட்சா. ஒரு விசேஷமான பேய் படம். எப்படி? வாங்க பாக்கலாம்.

     மைக்கேல் (விஜய் சேதுபதி) ஒரு பீட்சா கடையில் டெலிவரி பாயாக வேலை செய்கிறார். அனு (ரம்யா நம்பீசன்) இவருடைய கர்ப்பமாய் இருக்கும் லிவிங்- டுகெதர் காதலி. ரம்யா நம்பீசன் ஒரு பேய் கதை எழுத்தாளர் (நல்ல கிளப்புங்கடா பீதிய). ஒரு நாள் பீட்சா டெலிவரி செய்ய இரவு நேரத்தில் அண்ணா நகர் போகிறார். பிட்சா ஆர்டர் செய்தவர் ஸ்மிதா (SS music பூஜா). சில்லறை இல்லை என்று அதை எடுக்க வீட்டின் மாடிக்கு போகிறார் ஸ்மிதா. போய் வெகு நேரமாகியும் ஸ்மிதா வரவில்லை என, மைக்கேல் மேலே போகிறார். அங்கே ஸ்மிதா கொலை செய்யப்பட்டு கிடக்கிறார். பவர் வேறு பொய் விடுகிறது. ஒரே ஒரு டார்ச் மட்டும் மைக்கேலிடம் இருக்கிறது. அப்போது ஸ்மிதாவின் கணவர் என்று ஒருவர் வீட்டிற்கு வருகிறார். அவர் மைக்கேலை, "இங்கே நீ என்னடா செய்ற" என்று மிரட்ட, மைக்கேல் நடந்த உண்மையை சொல்கிறார். சரி, வெளிய வாடா என அவர் சொல்ல, கதவு லாக் செய்யபட்டு இருப்பது மைக்கேலுக்கு தெரிகிறது. சாவி எடுக்க மேலே போகும்போது வந்தவரும் கொலை செய்யப்பட்டு கிடக்கிறார். மைக்கேலுக்கு பயம் பயங்கரமாக தொற்றிகொள்கிறது. பின் அங்கே ஒரு பெண் குழந்தையை பார்கிறார். அந்த குழந்தையும் காணமல் போகிறது. சிறிது நேரம் களைத்து அந்த வீட்டிற்கு இரு போலீஸ்காரர்கள் வருகிறார்கள். அவர்களிடம் மைக்கேல், வீட்டில் மூன்று பேய் இருப்பதாகவும், நாம் உடனே இந்த வீட்டை விட்டு ஓடலாம் என்று சொல்லுகிறார். ஆனால் போலீஸ், "நீதான மைக்கேல். அனு என்ற பொண்ண கொன்னுட்டு எஸ்கேப் ஆகிட்ட. உன்ன தாண்டா இவ்ளோ நாளா தேடிட்டு இருந்தோம். நீ இங்க என்னடா பண்ற?" என்று ஒரு பெரிய குண்டை போடுகிறார்கள். மைக்கேலுக்கு ஒன்றுமே புரியவில்லை. சரி முதலில் வீட்டை விட்டு ஓடலாம் என்று முடிவு செய்து ஓட, போலீஸ் விடவில்லை. அவர்களை உதறி விடு மைக்கேல் ஓட, இரு போலீசையும் யாரோ ஒருவர் வீட்டிற்கு உள்ளே இழுத்துக் கொள்கிறார்கள். கதவு மறுபடியும் மூடி கொள்கிறது. மைக்கேல் பிட்சா கடைக்கு வந்து நடந்த உண்மைகளை சொல்கிறார். அனைவரும் சேர்ந்து அனுவை தேடுகிறார்கள். அனுவுக்கு என்ன ஆனது? அந்த வீட்டில் இருப்பது உண்மையிலேயே பேயா இல்லையா? அந்த போலீஸ்காரர்கள் என்ன ஆனார்கள்? கடைசியில் மைக்கேல் என்ன ஆனார்? என்பதை தியேட்டர் சென்று பாருங்கள்.

    இந்த ஒரு மாதிரி ஒரு தமிழ் படம் பார்த்து ரொம்ப நாள் ஆயிற்று. என் சிறு வயதில் "ஜென்ம நட்சத்திரம்" என்று ஒரு திகில் படம் பார்த்து பயந்தேன். அது "ஓமன்" என்ற ஆங்கில படத்தில் அப்பட்டமான காப்பி எனினும், அந்த சிறு வயதில் அந்த படம் ஏற்படுத்திய தாக்கம் அதிகம். அதற்கு பிறகு நிஜத்தில் பயந்த படம் என்றால் அது இந்த 'பீட்சா' தான். வழக்கமான தமிழ் படத்தில் இருக்கும் குப்பை மசாலா சங்கதிகள் இந்த படத்தில் ரொம்ப கம்மி (ஒரே ஒரு பாடலைத் தவிற). இன்னும் சொல்ல போனால் இண்டர்வல்க்கு முன்னால், என் மனைவி ரொம்பவே பயந்து போனாள். என் கையை இறுகப் பற்றி கொண்டாள் (நான்  ஏற்கனவே பயந்து போய் இருந்தேன் என்பது வேறு விஷயம்).

   விஜய் சேதுபதி, ஒரு அப்பாவி போல முகத்தை வைத்து கொண்டு பேய் வீட்டில் பயப்படும் போதும், இரண்டாம் பாதியில் பேய்-அறைந்தவன் போல் அலையும் போதும் நல்ல நடிப்பு. ரம்யா நம்பீசனுக்கு அவ்வளவாக நடிக்க ஸ்கோப் இல்லையெனினும், இரண்டாம் பாதியில் திரைக்கதை இவரை வைத்தே சுற்றுகிறது. உச்சமாக, கிளைமாக்ஸில் இவர் என்ன ஆகிறார் என்று பார்த்தால், இந்த பூனையும் பால் குடிக்குமா என்றே நினைக்க தோன்றும்.

  படத்தில் குறைகள் என்று பார்த்தால், படத்தின் ஆரம்ப அரை மணி நேர காட்சிகள். படத்தின் திரைக்கதையின் ஆதாரத்தையே அசைக்கும் இரண்டு காட்சிகள் படத்தில் உள்ளன. ஆனால் அதற்கான் விளக்கம் கிளைமாக்ஸ்க்கு முன்னாடி சொல்லப்படும். உன்னிப்பாக கவனித்தால் மட்டுமே ஏன் என்று விளங்கும். இந்த மாதிரி சிறு குறைகள் தெரியா வண்ணம் ஜெட் வேகத்தில் பயணிக்கிறது திரைக்கதை.

  50 கோடிக்கு மேல் பட்ஜெட், பெரிய நடிகர்கள், பிரமாண்ட காட்சியமைப்புகள் இருந்தும் திரைக்கதையில் சொதப்பினால் படம் பப்படம் என்பதற்கு தாண்டவம், மாற்றான், முகமூடி போன்ற படங்களே சாட்சி. குறைவான பபட்ஜெட், அறிமுக நடிகர்கள் இருந்தாலும் வலுவான் திரைக்கதை இருந்தால் படம் நிச்சயம் ஜெயிக்கும் என்பதற்கு 'பீட்சா' ஒரு உதாரணம் (சுந்தர பாண்டியன், அட்டகத்தி பிற லோ-பட்ஜெட் ஹிட் படங்கள்). உண்மையில், முகமூடி படத்திற்கு வலுக்கட்டயமாக என் மனைவியை அழைத்து சென்று செம திட்டு வாங்கினேன். அதற்கு பரிகாரமாய் 'பீட்சா' அழைத்துச் சென்று என் பாவத்தை போக்கி கொண்டேன். பீட்சா பார்த்து விட்டும் என் மனைவி திட்டினாள்; படம் மொக்கை என்று அல்ல, ரொம்ப பயமா இருக்குடா என்று!!!

  ரம்யா நம்பீசன் படத்தில் சொல்லும் ஒரு வசனம்: "பேயை நம்புறதுக்கு எல்லாருக்கும் ஒரு மொமென்ட் வரும். Your moment is waiting". நானும் அதைத்தான் சொல்லுகிறேன். பீட்சா படம் பார்த்து என்ஜாய் பண்ண "Your moment is waiting"!!!

அரவான்

         கிளாடியேட்டர் படத்தின் இறுதி காட்சி. ரோமின் மாவீரன் மேக்சிமஸ், சீசருடன் போரிட்டு இறந்து விடுவார். அங்கிருக்கும் போர் வீரர்கள் அவரை தங்கள் தோளில் சுமந்து செல்வது போல் காட்சி வரும். பதவி ஆசை பிடித்த ஒரு அரசனின் சூழ்ச்சியால் மாவீரன் மேக்சிமஸ் உயிரை விடும் அந்த காட்சி பார்பவர்கள் மனதை நெகிழ செய்யும். கண்களை குளமாக்கும். ஆனால் அரவான் படத்தில், கிளாடியேட்டர் மாதிரியே ஒரு குறு அரசனின் சொந்த பகைக்காக பலிகடா ஆக்கப்பட்டு உயிரை விடும் நாயகன் 'சின்னா'வை நினைத்து நமக்கு எந்த வித சோகமோ, வருத்தம்மோ ஏற்படுவதில்லை. இந்த இடத்திலேயே அரவான் படத்தின் தோல்வி ஆரம்பிக்கிறது.
          சமீப காலமாக எந்த தமிழ் படத்தையும் ஆங்கில அல்லது உலக திரைப்படங்களுடன் ஒப்பிட்டு பார்ப்பது நடக்கிறது. இது முற்றிலும் சரி இல்லையென்றாலும், நம் தமிழ் இயக்குநர்கள், ஆங்கில மற்றும் உலக திரைப்படங்களில் இருந்து காட்சிகளை சுடும் போது இந்த ஒப்பீடு சரி என்றே தோன்றுகிறது. அரவான் படம் பார்க்கும்போதும் 'அபாகலிப்டோ' மற்றும் 'கிளாடியேட்டர்' படங்களின் ஞாபகங்கள் வருவதை தவிர்க்க முடியாது. ஆனால் அவ்விரு படங்களின் திரைக்கதை, மேகிங் மற்றும் காஸ்டிங் இவைகளுக்கு முன்னால் அரவான் படம் ஒரு Free கக் குழந்தை தான்.
சாகித்ய அகடமி விருது வென்ற 'காவல் கோட்டம்' நாவலின் ஒரு பகுதிதான் அரவான். வணிக வியாபாரத்திற்காக கதையில் சில திருத்தங்களுடன் திரைக்கதை அமைத்திருக்கிறார் வசந்த பாலன் (இங்கேயே ஒரு பெரிய சறுக்கல்). காவல் கோட்டம், 18 -ஆம் நூற்றாண்டில் வாழும் கள்வர் & காவலர் பிரிவு தமிழர்களை பற்றிய கதை. கேட்கும்போதே ஆவலும், எதிர்பார்ப்பும் உண்டாக்கும் கதைக்களனை வைத்துக்கொண்டு, படு மொக்கையான திரைக்கதை, அமெச்சூர் தனமான கிராபிக்ஸ், வெறும் இரைச்சலை பொழியும் இசை & தமிழ் சினிமாவின் கிளிஷே காட்சிகளால் அந்த நல்ல கதை களனை வீணடித்து விட்டார்கள்.
          ஒரு கள்ளர் குழுவின் தலைவர் பசுபதி. ஒரு சந்தர்பத்தில் நல்ல திறமையான திருடர் ஆதியை பார்த்து, அவர் திறமையின் பொருட்டு அவரை தன் குழுவில் சேர்த்து கொள்கிறார். பின்னொரு நாள் திருட போகும்போது மாட்டிக்கொள்ளும் பசுபதியை ஆதி காபற்றிகிறார். பின் ஆதி யாரென ப்ளாஷ்பேக்  ஆரம்பிக்கிறது. காவல் காப்பதை தொழிலாக கொண்ட ஒரு ஊரை சேர்ந்தவர் ஆதி. தன் ஊரில் கொலையுறும் விரோதி ஊரை சேர்ந்த பரத்தின் சாவிற்கு பதிலாக ஆதியை பலிகடா ஆக்குவதென அந்த ஏரியா ராஜாவால் முடிவு செய்ய படுகிறது. இதற்கிடையில் தன்சிகாவுடன் காதல் + ரொமா ஸ் + திருமணம் ஆகிறது. பலிக்கு முன்னர் நாள் ஆதி தப்பிக்கிறார். ஆதிக்கு பதிலாக அவர் நண்பரை பலியிடுகின்றனர். ஆனாலும் ஏமாற்றிய ஆதியை கண்டு பிடித்து பலியிட ஊர் காரர்கள் துடிக்கிறார்கள். ஆனால் ஆதி இருபது பசுபதி ஊரில். ஆதி தப்பித்தார, உண்மையான கொலைகாரன் யார், தன்சிகா என்ன ஆனார் என்பது மிச்ச, சொச்ச கதை.
              இவ்வளவு நல்ல கதை இருப்பினும் படம் சொதப்பியதற்கு முக்கிய காரணங்கள்- ஒன்று- மொக்கையான + இழுவையான திரைக்கதை. இரண்டு- படம் கள்வர்களை பற்றியதா, காவலர்களை பற்றியதா என்ற பெரும் குழப்பம். இதில் தூக்கு தண்டனையை ஒழிப்போம் என்ற மெசேஜ் வேறு. பட இறுதியில் எதாவது மெசேஜ் போட்டால் நல்ல பெயர் கிடைக்கும் என்ற தமிழ் சினிமாவின் கேவலமான மனோபாவத்தின் வெளிப்பாடு இது.
               படத்தின் பிளஸ் என்றல் ஆதி, பசுபதி மற்றும் கரிகாலனின் நடிப்பு. பசுபதியின் கருப்பு நிற மேனி அவர் பாத்திரத்திற்கு நன்றாக செட் ஆகிறது. முதல் பாதியில் சற்று ஓவர் ஆக்டிங் போல தோன்றினாலும், சிக்ஸ் பேக் உடம்புடன் உழைத்திருக்கிறார் ஆதி. தன்சிகா- ஓகே. நாயகனை ஒரு பெண்ணாவது காதலிக்க வேண்டும் என்ற நம் தமிழ் சினிமா விதிகளுக்குட்பட்ட பெண்ணாக வருகிறார் அர்ச்சனா கவி. பெட்டெர் லக் நெக்ஸ்ட் டைம்!!!!
                படத்தின் மற்றொரு  மகா சொதப்பல் இசை. 3 பாடல்கள் மட்டும் ஓகே ராகம். பின்னணி இசை? சப்பாஆஆஆ!! ஒரே இரைச்சல். இந்த மாதிரி படங்களில் இசை எவ்வளவு முக்கியத்துவம் வாய்ந்தது என்பதை இயக்குநர் எப்படி மிஸ் பண்ணினார்? சமீபத்தில் பீரியட் படங்களில் சிறந்த பின்னணி இசை இருந்து நான் பார்த்த படம்- பழசி ராஜா. இசை? வேறு யார்? நம் மாஸ்ட்ரோ இளையராஜா.
                வழக்கமான மசாலா திரைக்கதை, குத்து பாட்டு, பஞ்ச் வசனங்கள் போன்ற குப்பைகள் இல்லாமல் படம் எடுத்தற்காக மட்டும் பாராட்டலாம். மற்றபடி அரவான் ஒரு நார்மல் படமே. வித்தியாசமான கதைக்களனை எடுத்த உடனே, அப்படா, சூப்பர் ஸ்கிரிப்ட் எடுத்தாச்சு, கண்டிப்பா படம் ஓடிடும், நம்ம எப்டி வேணும்னாலும் படம் எடுக்கலாம் என்று நினைக்கும் தமிழ் இயக்குநர்களே, என்னதான் சூப்பர் ஸ்கிரிப்ட் இருந்தாலும் திரைகதையில் சொதப்பினால் உங்கள் படம் பப்படம் தான்.
மதிப்பெண்: 3/10

காதல் வெண்பாக்கள்-2

வெண்ணிலவை பூமியில் காண அகில்இந்த

பெண்ணிவளை வந்து பார்.

கண்ணிருந்தும் குருடர் யாரெனில் அகில்இந்த

பெண்ணிவளை காணா தார்.

இல்லையொரு தேவதை என்பார் அகிலிருக்கும்

சில்லைக்கு வந்து பார்.