பீட்சா-2: வில்லா - முந்தைய பீட்சா படத்திற்கும் இந்த படத்திற்கும் துளியளவு கூட சம்பந்தம் இல்லை என்றாலும், 'பீட்சா'-ன்னு போட்டால் விளம்பரத்திற்காக உதவும் என நினைத்து விட்டனர். ஆனால் அதுதான் அவர்களுக்கு பெரிய ஆப்பு. விஜய் சேதுபதி + ரம்யா நம்பீசனின் நல்ல நடிப்பு, திகிலூட்டும் காட்சிகள், நேர்த்தியான திரைக்கதை என பல அம்சங்கள் நிறைந்த 'பீட்சா' மாதிரி இருக்கும் என்று நினைத்து வந்த பல (என்னையும் சேர்த்து) ரசிகர்கள் நிச்சயம் ஏமாந்து போவர்கள். கிளைமாக்சில் வரும் அந்த அபாரமான ட்விஸ்ட் சராசரி ரசிகர்கள் எத்தனை பேருக்கு புரியும் என்று தெரியவில்லை. இதுவும் ஒரு குறையே. கடைசி 20 நிமிடம் போல் முதல் பாதியிலும் விறுவிறுப்பாக திரைக்கதை அமைத்திருந்தால் 'பீட்சா'வை ஓரளவுக்கு நெருங்கி இருக்கலாம். மற்றபடி, தீபாவளிக்கு 'ஆல் இன் ஆல் அழகுராஜா' பார்த்து நொந்து-நூடுல்ஸ் ஆனவர்கள் இந்த 'வில்லா'வை நிச்சயம் ஒரு முறை பார்க்கலாம்.
